O Parlamento galego debateu hoxe unha proposición non de lei na que se reclama o apoio para a loita que mantén o sector dos produtos elaborados do mar en demanda dun convenio colectivo digno e se insta a Xunta a interceder en favor das traballadoras/es. Representantes do persoal e dos sindicatos, entre eles a FGAMT-CIG, estiveron presentes na sesión na que se abordou unha iniciativa que irá a votación este mércores e que conta co apoio dos grupos da oposición.

Os traballadores e as traballadoras de Alcoa continúan na loita contra a decisión da empresa de pechar a fábrica da Coruña. Como todas as tardes, hoxe volveron concentrárse nas portas da factoría aluminio en defensa dos seus empregos e pola continuidade da actividade produtiva. O vindeiro luns, 29 de outubro, o persoal ten convocada unha marcha a pé dende as instalacións do polígono da Agrela até a Delegación do Goberno, na que animan a participar a toda a cidadanía.

>>>Accede para ver a galería de imaxes