CIG-Industria gaña as eleccións na empresa UTE-Ferrol
A CIG-Industria vén de gañar as eleccións sindicais celebradas na empresa UTE-Ferrol, concesionaria do servizo de mantemento de alumeado público do Concello de Ferrol. A empresa conta cun cadro de persoal integrado por 15 traballadores, sendo a candidatura da CIG a única presentada ao proceso de eleccións, celebrado o xoves 23 de marzo; e conseguindo o delegado de persoal.
