Solidariedade Sindical Internacional e apoio á vía do diálogo e a paz en Venezuela

Máis de 30 organizacións sindicais de todo o mundo veñen de facer un público un manifesto de apoio á vía do diálogo e a paz en Venezuela, promovida polos gobernos de Uruguai e México, na base do respecto á lexitimidade democrática de Nicolás Maduro e a soberanía nacional de Venezuela.

A seguir reproducimos o texto do manifesto:

Os sindicatos asinantes deste documento queremos manifestar o noso apoio á iniciativa proposta polos gobernos de Uruguai e México para instalar un diálogo pola paz en Venezuela baseada no respecto á lexitimidade democrática de Nicolás Maduro e á soberanía nacional de Venezuela. Por iso estendemos as seguintes consideracións para acompañar esta proposta co propósito de evitar e denunciar unha posíbel intervención militar estranxeira no continente:

• Os sindicatos asinantes recoñecemos a lexitimidade democrática da Asemblea Nacional Constituínte e do seu presidente Nicolás Maduro, democraticamente elixido nas eleccións convocadas por dita Asemblea nunhas eleccións libres e democráticas. Por iso rexeitamos a estratexia para desestabilizar Venezuela e derrocar o presidente lexítimo democraticamente elixido.
• Preocúpanos que a paz, a estabilidade, a cooperación e a integración na rexión estea baixo forte ameaza, produto do acoso e inxerencia externa na vida política venezolana.
• Mentres que algúns actores apostan á guerra e á intervención, outros gobernos están impulsando con moitísimo esforzo un chamamento ao diálogo e á negociación como vías lexítimas do dereito internacional para resolver os conflitos.
• Desde os nosos respectivos espazos e roles acompañamos e adherimos ás iniciativas de diálogo e negociacións políticas que teñen como obxectivo a paz na rexión e o mundo, e apoiamos a realización do próximo Cumio sobre Venezuela a realizarse en Montevideo.

6 de Febreiro do 2019

• CIG-Internacional
• república bolivariana
• Venezuela