En plena pandemia e estando o concello no nivel máximo de alerta, o centro de saúde de Carballo atópase  día de hoxe con cinco enfermeiras/os menos (catro na quenda de mañá e unha na quenda de tarde), ao non substituírse as ausencias dos e das profesionais titulares. A CIG-Saúde considera que esta situación "non se pode permitir, que é absolutamente impresentábel e que xa está ben de que nos centros de saúde se teña que continuar asumindo cada vez máis traballo con menos persoal".

O persoal dos centros de atención directa da Consellaría de Política Social continuou onte, como cada xoves dende hai meses, coas concentracións diante dos seus centros de traballo para reclamar a recuperación dos dereitos laborais recortados coa escusa da crise en 2012 e para esixir uns servizos de atención ás persoas 100% públicos e de calidade.