A CIG-Servizos urxe a investigar as irregularidades detectadas na piscina mancomunada do Val Miñor

Nigrán -
Na central insisten en que Serviocio segue a beneficiar unha instalación privada en detrimento da pública

Denuncian desmantelamento da piscina mancomunada do Val Miñor para favorecer a unha empresa privada

Nigrán -
A CIG-Servizos advirte que o abandono da instalación pública suporá despedimentos

Quizais quixo dicir:

borrar busca
busca avanzada
10 de marzo - Así foi a folga comarcal en Ferrol

Acontece

Un grupo de traballadores/as e representantes sindicais de Ence levou a cabo unha nova concentración onte diante da Subdelegación do Goberno en Pontevedra para instar a ministra de Transición Ecolóxica, Teresa Ribera, a que concrete a data para constituír “de xeito inmediato” a mesa de traballo comprometida. Dende o comité, presidido pola CIG, demandan que nesta mesa de traballo estean representados os Gobernos español e galego, a dirección da compañía e o cadro de persoal co obxectivo de atopar unha solución definitiva que garanta o futuro de todos os postos de traballo.

O vindeiro luns, 22 de marzo, haberá un novo seminario web sobre Palestina nestes tempos de covid, desta volta centrada na organización e a situación dos servizos públicos baixo a ocupación. O encontro está organizado pola Rede Sindical Europea pola Xustiza para Palestina, da que a CIG forma parte, e para poder participar haise que inscribir aquí. Máis información no sitio da Rede Sindical: www.etun-palestine.org.

Os condutores da liña de Santiago-aeroporto concentráronse esta mañá diante do Pazo de Raxoi, coincidindo coa celebración do pleno municipal, para demandar do concello de Santiago que solucione dunha vez a súa situación e se asuma a subrogación por parte de TRALUSA cando saian os pregos do novo concurso para o transporte urbano de Santiago.

A representación sindical e delegados de persoal de Galicia Téxtil asistiron hoxe ao Parlamento con motivo das preguntas que o grupo socialista realizou  ao Goberno da Xunta na Comisión de Industria. Na súa resposta, o responsábel do IGAPE indicou que a Xunta mediará no conflito, algo que a representación social entende que chega tarde. Aínda así, agardan que por fin a Xunta "faga os deberes e asuma a responsabilidade das súas competencias en materia industrial para que o mantemento dos postos de traballo sexa un feito".

Os traballadores e as traballadoras de XEAL (Ferroatlántica de Cee, Dumbría e as centrais hidroeléctricas) volvéronse concentrar esta tarde na fábrica de Brens en demanda do plan de viabilidade que garanta a actividade produtiva e o mantemento de todos os empregos.

Formación sindical

Cálculo IT, accidente de traballo ou enfermidade profesional
-
Enfermidade común ou accidente non laboral
-
Modalidades de contratación
-
Incapacidades temporais
-
» Máis vídeos