A CIG-Industria de Ourense convoca unha asemblea de afiliados/as para abordar a situación do convenio provincial do metal, cuxa vixencia remata este ano. No encontro, que terá lugar este xoves 10 no salón de actos da casa sindical ás 20:00 horas, decidirase se se denuncia o convenio co obxectivo de comezar as negociacións.

Persoal técnico do Servizo de Prevención e Defensa Contra Incendios Forestais (SPIF) da Consellaría de Medio Rural desenvolveu unha nova mobilización esta mañá no marco da campaña de apoio da folga indefinida iniciada o pasado 1 de agosto para reclamar melloras laborais e unha resposta máis eficaz deste servizo público. Nesta ocasión a protesta, que tivo lugar diante do centro de coordinación provincial de Ourense, centrouse en demandar maior seguridade para os profesionais que participan nas labores de extinción dos lumes tras o recente accidente mortal de Lobios.