"A Unión Europea debe asumir os seus principios elementais para garantir a paz do pobo venezolano"

Internacional -
Comunicado da Rede Europea de Solidariedade coa Revolución Bolivariana

A CIG entrevistarase coa Comisaria de Emprego e Asuntos Sociais da UE

A Coruña -
No encontro abordarase a dramática situación socioeconómica de Galiza

Quizais quixo dicir:

borrar busca
busca avanzada

Acontece

A campaña que está a desenvolver a Secretaría das Mulleres da CIG contra a situación de precariedade na que se atopan milleiros de traballadoras no noso país continuou hoxe con novas mobilizacións en Pontevedra e Vilagarcía. Nesta ocasión, ducias de delegadas sindicais desenvolveron concentracións ás portas dos hospitais Provincial e do Salnés, onde denunciaron as condicións de traballo que padecen as mulleres no sector sociosanitario e reclamaron a derrogación das reformas laborais e das pensións que empobreceron aínda máis a milleiros de traballadoras.

A sección sindical da CIG en Ferroatlántica Sabón ten convocada unha asemblea aberta para este mércores 13 de xuño, ás 19 horas, no Centro Tecnolóxico de Arteixo, para informar do "plan industrial" de melloras que a empresa pretende negociar co comité, pero condicionando calquera posíbel inversión a que o persoal acepte a escisión da fábrica de Sabón da unidade industrial.

Traballadores da empresa concesionaria do servizo de transporte de residuos sólidos urbanos de Sogama, Pacholo SL, concentráronse esta mañá diante do Parlamento de Galiza coincidindo coa comparecencia do presidente de Sogama, Javier Domínguez Lino, na Comisión de Medio Ambiente, a solicitude dos tres grupos da oposición. Unha comparecencia demandada a raíz do conflito que provocou a folga indefinida na que levan, a esta altura, 54 días os traballadores da empresa.

A recollida de sinaturas para levar ao Parlamento a ILP de “Medidas para a nova xestión dos saltos e aproveitamentos hidroeléctricos no territorio de Galiza”, impulsada pola CIG, entra na fase final. A iniciativa está a ter moi boa acollida entre a cidadanía, e hoxe mesmo a CIG de Vigo recolleu máis de 200 apoios en dúas horas nunha mesa instalada diante do mercado do Calvario.

A CIG continúa coas mobilizacións para esixir a readmisión dun traballador de Faibus UTE que foi despedido de xeito arbitrario tras reclamar os seus dereitos laborais. Desta volta a concentración tivo lugar este xoves diante das instalacións de Autna -unha das empresas que fai parte da UTE- no Rebullón para denunciar a actitude represiva da dirección con calquera persoa que reivindique os seus dereitos laborais.

Formación sindical

Estrutura dunha Nómina
-
Bases de Cotización
-
Tipos de Cotización
-
"A ofensiva capitalista contra a clase traballadora" (Antolín Alcántara)
-