A CIG-Ensino gaña as eleccións no centro San Xerome da Guarda e presidirá o comité de empresa

Vigo -
A central nacionalista logrou tres dos cinco delegados/as que se escollían

A CIG gaña cunha ampla marxe as eleccións sindicais nos Concellos da provincia de Ourense

Vigo -
A central obtivo 57 delegados/as, o que supón o 44,53% da representación

Quizais quixo dicir:

borrar busca
busca avanzada
COVID19: Todo o que tes que saber sobre como o coronavirus afecta ás relacións laborais

Acontece

Unha representación da CIG, integrada polos secretarios comarcal e de organización de Vigo, Alberto Gonçalves e Anxo Igrexas, participou este venres no XII Congreso da União de Sindicatos do Porto/CGTP-IN. O máximo responsábel da CIG-Vigo interveu no encontro para expresar o compromiso internacionalista da central e a súa aposta polo sindicalismo non pactista, ao tempo que incidiu na vixencia da loita de clases e na necesidade de sumar forzas no campo popular da man de "sindicatos irmáns" como a União de Sindicatos do Porto/CGTP. O encontro serviu tamén para que os responsábeis sindicais galegos mantivesen un encontro informal coa nova secretaria xeral da CGTP-IN, Isabel Camarinha.

Traballadores e traballadoras de XEAL (antiga Ferroatlántica de Cee, Dumbría e Centrais) continúan coas mobilizacións en rexeitamento ao novo ERTE imposto pola dirección (o segundo neste ano) e para esixir da Xunta unha intervención activa ante o desmantelamento progresivo das fábricas de ferroaliaxes, demandándolle dunha vez á empresa que presente o plan de viabilidade ao que obrigan as cláusulas das concesións.

O cadro de persoal de Thenaisie Provoté desenvolveu esta tarde unha concentración diante do Concello do Grove para reclamarlle á Xunta que constitúa xa unha mesa de traballo para intentar salvar a conserveira do peche e lograr o mantemento de todos os empregos. Segundo sinalan dende a FGAMT-CIG do Salnés, na mesa de traballo terán que estar representados o comité de empresa, o Igape, o empresario galego interesado na adquisición da compañía, o despacho Garrigues -que asesora o grupo romanés Scandia Food, propietario de Thenaisie- e Anfaco, a patronal so sector conserveiro.

O persoal dos centros de atención directa da Consellaría de Política Social continuou hoxe coas mobilizacións para reclamar a recuperación dos dereitos laborais recortados coa escusa da crise en 2012 e para esixir uns servizos de atención ás persoas 100% públicos e de calidade. As concentracións, que se repetirán cada xoves do mes de outubro, tiveron lugar diante dos centros por iniciativa da CIG, CCOO, CSIF e UGT, que ademais solicitaron reunións cos grupos políticos con representación no Parlamento galego para abordar un conflito laboral que se prolonga dende hai catro meses.

Continúan as protestas nos centros de atención directa da Consellaría de Política Social en demanda da recuperación dos dereitos laborais recortados coa escusa da crise en 2012 e para esixir uns servizos de atención ás persoas 100% públicos e de calidade. Hoxe tivo lugar a 15ª xornada de mobilizacións en todo o país, que unha vez máis consistiron en concentracións ás portas dos centros, a excepción do de Cabeza de Vaca, en Ourense, como consecuencia das restricións impostas polas autoridades sanitarias ante o aumento dos casos de covid na provincia.

Formación sindical

Cálculo IT, accidente de traballo ou enfermidade profesional
-
Enfermidade común ou accidente non laboral
-
Modalidades de contratación
-
Incapacidades temporais
-
» Máis vídeos