As asembleas que a CIG está a celebrar nas distintas comarcas do país de cara á preparación da folga xeral de mulleres do vindeiro 8 de Marzo, Día Internacional da Muller Traballadora, continuaron hoxe en Pontevedra e Vilagarcía. Ao remate dos encontros celebráronse mobilizacións na Praza da Peregrina e diante do INEM.

Mañá, 7 de febreiro, cumprirase un ano do inicio da histórica folga que durante catro meses desenvolveron os traballadores e as traballadoras da Administración de xustiza galega. Pero a día de hoxe, aínda hai delegados e delegadas sindicais que está a sufrir represión por exercer o seu labor durante a folga. Este é o caso da nosa compañeira Chelo Rodríguez, delegada da CIG no sector de xustiza, que ten pendente un expediente disciplinario e un xuízo, por mor da denuncia dunha letrada, que a Fiscalía elevou ao xulgado.