Nais e pais do colexio Sagrado Corazón do Deza mobilizáronse este domingo día 3 en Lalín en solidariedade co persoal do centro ao que a dirección lle adebeda varias nóminas. As traballadoras/es afectadas/os e as familias do alumnado desenvolveron unha concentración para reclamar unha solución inmediata ao conflito laboral que comezou en setembro, cando as empregadas/os dos servizos non concertados xa levaban entre tres e catro meses sen cobrar.

A CIG-Industria convoca os traballadores e as traballadoras de Elinco Construcciones Eléctricas a unha asemblea para este xoves, 31 de outubro, ás 19:30 horas no local da central sindical de Ferrol para informar do falado co administrador concursal, explicar os pasos a seguir dentro do concurso e aclararlles as dúbidas que poidan ter con respecto das súas demandas.