A CIG de Vigo pon en marcha unha recollida especial de alimentos para o Nadal

No marco do Plan de Axuda Alimentar Solidario que funciona dende hai sete anos

Vigo -

A Unión Comarcal da CIG de Vigo vén de poñer en marcha unha campaña especial de recollida de alimentos para o Nadal no marco do Plan de Axuda Alimentar Solidario que funciona dende hai sete anos e do que se benefician mensualmente 40 persoas. A data límite para participar nesta iniciativa de solidariedade obreira remata o vindeiro 21 de decembro, xa que o reparto farase antes do inicio das festas. Por este motivo, dende a central fan un chamamento a que as doazóns, que se poden depositar nas caixas habilitadas no local, inclúan tamén produtos típicos destas datas.

A recollida de alimentos mantense aberta durante todo o ano, para que as persoas que así o desexen poidan contribuír coas súas achegas, tanto en produtos como mediante unha cantidade económica. Quen queira saber máis sobre esta iniciativa solidaria pode dirixirse ao local da CIG de Vigo.

Volver