A CIG gaña as eleccións sindicais na terminal de contedores de Pérez Torres no Porto de Marín

A central obtivo seis dos nove representantes do comité

Marín -

A CIG vén de gañar as eleccións sindicais que se celebraron este luns na terminal de contedores do Porto de Marín operada por Pérez Torres, ao obter seis dos nove delegados e delegadas de persoal que se elixían para o comité de empresa. Deste xeito, a central nacionalista consolida a súa presenza nunha das principais empresas de Marín e no sector marítimo portuario.

Os resultados das eleccións son os que seguen:

 

CIG

UGT

Votos

Delegados/as

Votos

Delegados/as

C. Técnicos

33

3

22

2

C. Especialistas

39

3

6

1

Total

72

6

28

3

Estes resultados respaldan a liña sindical desenvolvida nestes últimos catro anos e supoñen un aval ao traballado realizado polos delegados da CIG, que consegue un resultado histórico ao pasar de contar con dous representantes no colexio de especialistas a quedar a un só voto de sacar os catro delegados que se elixían neste colexio. E isto, malia os atrancos por parte da dirección para impedir que a CIG incrementara a súa representación.

Neste senso, a CIG destaca a elevada participación do persoal neste proceso de eleccións e agradece a confianza depositada nas candidaturas da central nacionalista. Con este claro apoio, a CIG reafirma o seu compromiso na defensa dos dereitos e pola a mellora das condicións sociolaborais do conxunto dos traballadores e traballadoras de Pérez Torres.

Volver