A CIG volve gañar as eleccións sindicais na refinería de Repsol da Coruña

A central incrementa a súa representación pasando de 5 a 8 delegados/as no comité
A Coruña - 20 Dec 2018

A CIG vén de gañar as eleccións sindicais na refinería de Repsol Petróleo na Coruña, logrando 8 representantes (4 en cada un dos colexios) e máis do 36% dos votos, nun proceso marcado pola alta participación. Dende a Federación de Industria destacan que estes resultados avalan a acción sindical realizada na refinería nos últimos catro anos.

Nestas eleccións a CIG incrementou a súa representación, pasando de ter 5 delegados a contar con 8 membros nun comité que estará integrado por 21 persoas. A CIG volveu ser tamén a forza máis votada, cunha diferenza de máis do 10% sobre a segunda candidatura, a de CCOO, que tivo 5 representantes e o 25% dos votos.

O resultado total das votacións (Colexio de Especialistas e Colexio de Técnicos/as) foron:

OOSS

Delegados/as

Votos

Porcentaxe

CIG

8

219

36,62%

CCOO

5

152

25.41%

STR

3

93

15,55 %

UGT

3

84

14.04%

USO

2

50

8.36%

A sección sindical da CIG agradece a todos/as os/as traballadores/as da refinería a confianza depositada no modelo de sindicalismo combativo e de proximidade que defende a CIG. Estes resultados reforzan o compromiso da central na loita pola defensa dos dereitos dos traballadores e traballadoras da refinería e na recuperación do comité de empresa como órgano representativo de todo o persoal da fábrica.