A V Asemblea da CIG do Baixo Miño reelixe a Serafín Fernández Portela como secretario da Unión Local
A V Asemblea da CIG do Baixo Miño reelixiu este sábado a Serafín Fernández Portela como secretario da Unión Local. No proceso celebrado no Centro Cultural da Guarda e no que participaron 35 persoas tamén se renovou a Executiva e definíronse as principais liñas de traballo que orientarán a acción sindical no vindeiro período.
O Informe de Xestión da anterior Executiva, que repasa a a actividade desenvolvida ao longo dos últimos, foi aprobado por 30 votos a favor, 1 en contra e 3 abstencións. Mentres que a candidatura de consenso que encabezaba Fernández Portela sumou 30 votos a favor e 3 en branco, o mesmo resultado colleitado pola lista de persoas que integran a Executiva.
No encontro tomou a palabra tanto o novo secretario da Unión Local como o secretario comarcal da CIG, de Vigo, Alberto Gonçalves, que salientou a importancia da xornada de debate “para seguir avanzando na consolidación dunha ferramenta fundamental para a clase traballadoras galega como é a CIG”.
Composición da nova Executiva da CIG do Baixo Miño:
-Serafín Fernández Portela.
-Olga Orduña Pereira.
-Rosa María Salgueiro Fernández.
-María Carmen Martínez Rodríguez.
-Antonio Álvarez González.
-Francisco Campo Lago.
-Xulio Vicente González.
