María Carmen Calvo, elixida nova secretaria da Unión Local da CIG de Valdeorras
María del Carmen Calvo Gil foi elixida nova secretaria da Unión Local da CIG de Valdeorras na Asemblea celebrada o pasado sábado no salón de actos do Concello do Barco e na que participaron máis de 200 persoas afiliadas.
Calvo, traballadora xubilada do sector da lousa, substitúe no cargo a Paco Moral tras impoñerse por 12 votos a Ramón Porto Rodríguez (114 fronte a 102 votos, e 1 nulo). Mestres que a candidatura da executiva liderada por Calvo sumou 108 apoios, por 106 da encabezada Porto, rexistrándose tamén 3 votos en branco.
Tras o proceso, a nova responsábel da CIG-Valdeorras agradeceu o apoio recibido e adiantou a súa disposición a continuar na loita en defensa dos dereitos da clase traballadora “porque mentres haxa inxustizas, explotación e desigualdade, a CIG estará aí dando a batalla”.
Entre os principais retos que a central sindical deberá enfrontar na comarca nos vindeiros anos, salientou a situación do sector da lousa e a atención ás persoas traballadoras afectadas por silicose.
Nova executiva da CIG-Valdeorras
-María del Carmen Calvo Gil.
-Francisco Rodríguez Vidal.
-Pedro Sández Prieto.
-Román Porto Rodríguez.
-Noelia Diéguez Rodríguez.
