A CIG continuou este xoves coas mobilizacións para esixirlle ao Goberno municipal de Monterroso que recúe na súa decisión de privatizar o servizo de axuda no fogar. Unha medida que só servirá para empeorar a calidade do servizo que se presta e precarizar as condicións das traballadoras.

Un grupo de traballadores/as e representantes sindicais de Ence levou a cabo unha nova concentración onte diante da Subdelegación do Goberno en Pontevedra para instar a ministra de Transición Ecolóxica, Teresa Ribera, a que concrete a data para constituír “de xeito inmediato” a mesa de traballo comprometida. Dende o comité, presidido pola CIG, demandan que nesta mesa de traballo estean representados os Gobernos español e galego, a dirección da compañía e o cadro de persoal co obxectivo de atopar unha solución definitiva que garanta o futuro de todos os postos de traballo.