A CIG realizou unha concentración este xoves diante do edificio multiusos da Xunta de Galiza en Lugo para demandar condicións laborais dignas para o persoal veterinario que fai o saneamento gandeiro. Esta concentración vén motivada pola morte dun traballador da empresa Tragsatec (á que Medio Rural ten encomendado este servizo) cando prestaba servizos nunha explotación gandeira das Nogais. A CIG entende que o falecemento deste veterinario é consecuencia da falta de medidas de seguridade apropiadas ás características do traballo do saneamento gandeiro.

A CIG convoca ao persoal sanitario da comarca do Salnés a unha concentración este martes 30 diante do hospital comarcal ás 12:00 horas para rexeitar a política de recortes e de privatizacións da Xunta. Na protesta participarán tamén traballadores/as do sector do transporte sanitario para denunciar a falta de técnicos/as nas ambulancias medicalizadas do Salnés, Foz e Monforte e a privatización do servizo de atención e traslado dos pacientes de diálise.