Non existen artigos de novas actualmente.
A federación de Banca, Aforro, Seguros, Oficinas e Centros de Chamadas da CIG reelixiu, este sábado, con 107 votos a favor, 2 en branco e ningún nulo, a Sefi Romero como secretaria nacional, no seu VIII Congreso, que se celebrou baixo o lema “O sindicalismo necesario”. No decurso da mañá os e as delegadas avaliaron o traballo desenvolvido nos últimos catro anos e analizaron a situación dos diferentes sectores e definiron as liñas que guiarán a acción sindical no próximo período.
A VIII Asemblea da CIG-Servizos de Vigo escolleu hoxe a Alfredo Filgueiras Pereira novo secretario comarcal por 68 votos a favor e 3 en branco. No proceso celebrado no local da central sindical tamén se renovaron a Executiva e a Dirección comarcais e escolléronse os representantes no Consello Federal.
O VIII Congreso da CIG-Saúde que tivo lugar hoxe en Vigo elixiu a Manuel González Moreira como novo secretario nacional da federación por 91 votos a favor, 2 en branco e 1 nulo. Durante o proceso, que se celebrou baixo o lema 'Avanzando xuntas', tamén se renovou a Executiva e se escolleron as persoas que representarán a federación no Consello Confederal.
A III asemblea da CIG-Industria de Lugo-A Mariña elixiu o pasado venres a Xosé Manuel Peña Abeijón como novo secretario comarcal. A candidatura de Peña, a única que se presentou, recibiu o apoio unánime dos delegados e das delegadas que participaron na asemblea celebrada nos locais de Burela, e nela tamén se escolleu á Executiva comarcal da federación, as persoas que formarán parte da Dirección Comarcal da CIG-Industria en Lugo-A Mariña, do Consello Comarcal e mais do Consello Federal.
O VIII Congreso da CIG-Administración Pública escollía este sábado a Luis Carballo Pose como novo secretario federal. No proceso que tivo lugar no Pazo de Congresos de Compostela baixo o lema "Emprego público e de calidade. Servizos públicos", tamén se elixiu a nova Executiva da federación e mais ás persoas que representarán a CIG-Administración no Consello Confederal da CIG.
Plácido Valencia Rodríguez foi reelixido secretario nacional polo VIII Congreso da Federación da Construción e Madeira (FCM-CIG) por 34 votos a favor e 3 en branco. Durante o proceso celebrado hoxe en Santiago baixo o lema '25 anos construíndo a patria galega' tamén se renovou a Executiva (que recibiu igualmente 34 votos a favor e 3 en branco) e escolléronse os representantes no Consello Nacional.
O V Congreso da FGAMT-CIG (que agrupa os sectores de Alimentación, Mar, Téxtil, Telecomunicacións e Transportes) reelixiu este sábado a Dores Martínez Castelo como secretaria nacional. A súa candidatura, a única que se presentou, recibiu o apoio unánime das e dos congresistas ao obter 94 votos, a totalidade das papeletas emitidas. No proceso, que se desenvolveu nun hotel de Teo baixo o lema "Sumando para avanzar", tamén se elixiu a nova Executiva Nacional e as persoas que representarán a federación no Consello Confederal da CIG.
A CIG-Ensino reelixiu este sábado a Suso Bermello como secretario nacional por 133 votos a favor, 0 nulos e 9 en branco no seu VIII Congreso, no que as delegadas e delegados asistentes analizaron o traballo desenvolvido neste período e definiron as liñas de acción sindical que guiarán á federación nos vindeiros catro anos.
A CIG-Industria celebrou este venres o seu III Congreso, no que resultou reelixido Xoán Xosé Bouzas como secretario nacional con 105 votos e 6 abstencións. Unha xornada que foi clausurada polo secretario xeral da CIG, Paulo carril, na que as delegadas e delegados asistentes analizaron a crítica situación na que se atopa o sector en Galiza e acordaron as liñas de actuación para enfrontala no próximo período.
Transi Fernández foi reelixida como secretaria nacional da CIG-Servizos polo VIII Congreso da federación, que se celebrou este venres en Santiago baixo o lema 'Pola liberación e a dignidade da clase traballadora'. A súa candidatura, a única presentada, recibiu 139 votos a favor, 35 en branco e 2 nulos. No proceso tamén se renovou a Executiva -á que concorreron dúas candidaturas- e fixáronse as principais liñas de actuación para os vindeiros catro anos.
>>Accede aquí aos vídeos do VIII Congreso
Pazo de Congresos de Compostela (San Lázaro)
Usamos cookies para mellorar a túa experiencia de navegación e uso. Consulta a nosa política de cookies e a nosa política de protección de datos. Preme en aceptar para confirmar que aceptas a información presentada e pechar este cadro.