Propostas fronte á crise para unha saída galega xusta

Desde a CIG, formulamos unha proposta con medidas concretas, para unha SAÍDA GALEGA XUSTA da crise. Unha saída da crise que tamén pasa pola loita, o combate e a mobilización, porque os dereitos conquístanse, non os regalan nin se mercan, nin se mercadea con eles nese invento do “diálogo social” que pretende suplantar o protagonismo da clase traballadora impoñendo antidemocraticamente medidas de recorte e facilitando solucións que favorecen o capital.

Presentación
Plan de recuperación
Propostas transversais
Transición enerxética xusta e galega
Sectores produtivos e comercio
Recuperación de dereitos
Conciliación con dereitos
Sistema público de atención ás persoas

A CIG convoca unha xornada de mobilizacións en 18 localidades por unha saída galega xusta da crise

As marchas e concentracións terán lugar o domingo 7 de febreiro

Nacional -

Dentro da campaña por unha saída galega xusta da crise que a CIG está a desenvolver dende o mes de outubro, a central nacionalista ten convocada unha xornada de mobilizacións para o domingo 7 de febreiro para esixir políticas que permitan encetar unha auténtica recuperación económica e social e camiñar cara a unha situación de emprego, salarios, pensións e condicións de traballo dignas na Galiza. Unha recuperación que non será posíbel sen a derrogación total das reformas laborais de 2010 e 2012 e das reformas das pensións de 2011 e 2013.

As mobilizacións terán carácter expansivo e desenvolveranse en 18 localidades garantíndose en todo momento as medidas de seguridade.

Medra o desemprego en Galiza sen máis plan de recuperación que os frustrados fastos do Xacobeo

En decembro de 2020 houbo 24.279 parados/as máis que en decembro de 2019

Nacional -

O desemprego medrou novamente en Galiza no mes de decembro -algo que non ocorría desde 2011, xa que se trata dun mes tradicionalmente positivo para a creación emprego- até acadar as 189.587 persoas desempregadas, 2.115 máis que no mes de novembro (+1,13%), pero 24.279 máis que en decembro de 2019 (un 14,69% máis). O incrementou afectou a todas as provincias e todos os sectores, mais a situación é ben máis grave xa que, nestes datos, non figuran as traballadoras e traballadores que están afectados por ERTES.

Delegadas e delegados da CIG mobilízanse en demanda de políticas para garantir unha saída galega xusta da crise

A central nacionalista demanda un plan recuperación económica, industrialización e creación de emprego digno na Galiza

Nacional -

A CIG realizou este martes 15 concentracións de delegados e delegadas para esixir unha saída galega xusta da crise, tendo en conta que as medidas que se están a adoptar polos Gobernos español e galego son insuficientes ou inexistentes para encetar unha auténtica recuperación económica e social.

Carril presenta no Parlamento as propostas para unha saída galega e xusta da crise

Compareceu na Comisión especial sobre a reactivación económica pola crise covid-19

Nacional -

O secretario xeral da CIG, Paulo Carril, compareceu esta mañá na comisión especial de reactivación económica, creada no Parlamento de Galiza con motivo da crise provocada pola covid-19. Unha crise sanitaria que, tal e como lembrou, chegou cando aínda non estaba superada a anterior e que se converteu nunha profunda crise económica e social cuxo impacto “discrimina entre persoas ricas e pobres” e “non afecta por igual a todas as clases sociais nin a todos os pobos e nacións”, denunciou.

A CIG de Ferrol chama a intensificar a mobilización xa que "nos estamos xogando a supervivencia da comarca"

Delegados/as da central mobilizáronse no marco da campaña por unha saída galega xusta da crise

Ferrol -

Delegadas e delegados da CIG de Ferrol participaron este venres nunha acción reivindicativa para visibilizar a grave emerxencia social e laboral que sofre a comarca e a necesidade de adoptar medidas urxentes para dotala de futuro. A protesta, que se enmarca nas mobilizacións que a CIG está a desenvolver dentro da campaña nacional por unha saída galega xusta da crise, consistiu nunha cadea humana dende a oficina do servizo de emprego de Esteiro até o edificio da Xunta de Galiza. A seguir, a mobilización trasladouse até a o centro da Praza de España onde se realizou unha concentración-asemblea.

Botan a andar as asembleas de delegados/as arredor das medidas da CIG para unha saída galega e xusta da crise

Celebraranse de xeito descentralizado en todas as comarcas ao longo de novembro

Nacional -

A CIG comezou xa a celebrar as asembleas de delegados/as que se desenvolverán por toda Galiza no marco da campaña para esixir unha saída galega e xusta á crise con políticas que non supoñan, unha vez máis, saquear a clase traballadora.

Arrinca a campaña da CIG na defensa dunha saída galega e xusta da crise

Celebraranse numerosas asembleas en todas as comarcas ao longo do mes de novembro

Nacional -

A CIG ten en marcha unha campaña para esixir unha saída galega xusta á crise con políticas que non supoñan, unha vez máis, saquear a clase traballadora. Con este obxectivo, a central nacionalista elaborou unha batería de propostas para a recuperación económica, a industrialización e a creación de emprego digno na nosa terra, con medidas de carácter transversal e sectorial nas que os poderes públicos teñen que xogar un papel fundamental e a través das que se insta a facer unha forte aposta en favor das forzas sociais galegas para o desenvolvemento deste proceso. Medidas que serán levadas ás asembleas convocadas por todo o país, de forma descentralizada, para facilitar a participación e dar cumprimento a todas as medidas de prevención fronte á covid.

A CIG presenta un plan de medidas para a recuperación económica, a industrialización e a creación de emprego digno

O documento contén propostas transversais, sectoriais e sociolaborais para unha saída galega xusta da crise

Nacional -

A CIG ten en marcha unha campaña para esixir unha saída galega xusta á crise con políticas que non supoñan, unha vez máis, saquear a clase traballadora. Con este obxectivo, a central nacionalista elaborou unha batería de propostas para a recuperación económica, a industrialización e a creación de emprego digno na nosa terra, con medidas de carácter transversal e sectorial nas que os poderes públicos teñen que xogar un papel fundamental e a través das que se insta a facer unha forte aposta en favor das forzas sociais galegas para o desenvolvemento deste proceso.